كيف اقول اني احبك

لا تقول اني ذكرت ولا تقول انـي نسيـت
كيف يعني يذكرك انسان لحضـه مانسـاك

ادري اني صدق احبك وادري انك مادريـت
اني حتى ضد نفسي صـرت ياعمـري معـاك

لو اقول اشكثر احبك ! ما تصدق لـو حكيـت
داااام حبي فـووق والله مستـواي ومستـواك

(كل حرف ٍ لك كتبت ) و (كل حرف ٍ لي قريت)
(في شي ٍ من عناي) و(فيه شي ٍ من غـلاك)

في غيابك ياحبيبي ياكثـر ماقلـت لييـت
وياكثر ما قيييل عني في غيابـك وش بـلاك

مو مهم اللي جرى لي المهم انك رضيـت
دام يزعلني زعلّك ودام يرضينـي رضـاك

انت دمع ٍ في عيوني مابكيتـه لـو بكيـت
وانت كل اللي كتبته وانا بس اللي قـراك

وانت درب ٍ من بديته فـي حياتـي منتهيـت
وانت تعني لـي بهالدينـا نجاتـي والهـلاك

جيتك أتأسف حبيبي وأعترف انـي خطيـت
جيتك اسبق لهفة اشواقـي ويسبقنـي غـلاك

وانا مدري( شلت قلبي لك ) بعد عمري وجييت
وإلا ( قلبي شالني لك ) يابعد عمـري وجـاك

جيت اقول( اني احبك) شفت عينـك استحيـت
في عيونك قدرة الله واشهـد ان الله عطـاك

لا تقول اني ذكرت ولا تقول انـي نسيـت
دام قلبي ماذكـرك ودام قلبـي مانسـاك

عضو جديد عبارتي المميزة :

كلمة احبك سهلة النطق و بك أستجير ومن يجير سواكا فأجر ضعيفا يحتمي بحماك
إني ضعيف أستعين على قوى ذنبي ومعصيتي ببعض قواكا
أذنبت ياربي وآذتني ذنوب مالها من غافر إلا كا
دنياي غرتني وعفوك غرني ماحيلتي في هذه أو ذا كا
لو أن قلبي شك لم يك مؤمنا بكريم عفوك ما غوى وعصاك