عن أبي هريرة رضي الله عنه قال :سمعت رسول الله صلى الله عليه وسلم يقول : (سبعة يظلهم الله في ظلّه يوم لا ظل إلا ظله و قال منهم "ورجل قلبه معلق بالمساجد" ) البخاري ومسلم ..
سبحان الله .. شايف فضل الذهاب للمسجد اد ايه .. ممكن سؤال .. هو ايه قدر
المسجد فى حياتك ؟؟ بتحب تروحه ؟؟ بتحب تقعد فيه .. ؟؟ طيب بتصلى فيه و
تمشى على طول ؟؟ .. ناس كتير مستعدة تدفع من وقتها عشان تعمل حاجة تفيدها
فى دنيتها .. لكن مستعد تعمل ايه عشان تكون تحت ظل عرش الرحمن فى يوم قال
الله تبارك و تعالى فيه"يوما يجعل الولدان شيبا"المزمل17 .. الطفل الذى لم
يذنب ذنباً يشيب من هول الموقف .. طيب احنا هيكون ايه موقفنا ..
والله يا جماعة هذا الدين عزيز .. مش هتقرب لربنا و انت مكسل و قاعد تتمنى
.. قال تعالى " أم حسبتم أن تدخلوا الجنة ولما يعلم الله الذين جاهدوا منكم
ويعلم الصابرين "آل عمران142 ..سبحان الله .. اوعى تكون فاكر انك هتدخل
الجنة من غير سعى لها .. اوعى تفتكر ان الجنة هتجيلك و انت الدين ملوش وقت
فى حياتك.. لازم يكون فيه مجاهدة و صبر فى الأول.. ناس كتير فاكره ان
الموضوع بمزاجه .. يقرب من ربنا وقت اما يحب و يبعد وقت اما يحب .. قال
الله فى حق المتكاسلين "ولكن كره الله انبعاثهم فثبطهم وقيل اقعدوا مع
القاعدين"التوبة46.. قال الطبرى فى تفسيره :"انبعاثهم"يعني : خروجهم لذلك (
فثبطهم ) ، يقول : فثقل عليهم الخروج حتى استخفوا القعود في منازلهم .. و
قال ابن كثير :( ولكن كره الله انبعاثهم ) أي : أبغض أن يخرجوا معك قدرا ، (
فثبطهم ) أي : أخرهم .) .. نعوذ بالله من الخذلان .. تلاقى واحد مش بيروح
يصلى فى المسجد .. لما ييجى يصلى الجمعه يصحى متأخر و يصلى بره المسجد
برضو .. ممكن يعدى على سنين ربنا مدخلوش المسجد .. كره الله انبعاثهم ..
لكن من تعود على إعمار المساجد .. ذكره الله تعالى بأسمى الصفات "إِنَّمَا
يَعْمُرُ مَسَاجِدَ اللَّهِ مَنْ آمَنَ بِاللَّهِ وَالْيَوْمِ الآخِرِ
وَأَقَامَ الصَّلاةَ وَآتَى الزَّكَاةَ وَلَمْ يَخْشَ إِلاَّ اللَّهَ
فَعَسَى أُوْلَئِكَ أَنْ يَكُونُوا مِنْ الْمُهْتَدِينَ"[التوبة:18]
والله يا جماعة لازم نكبر قدر المسجد فى حياتنا .. والله تضحيتك بوقتك
هتجيلك بفايدة كبيرة جداً .. هتشوف البركة اللى ربنا هيجعلها فى وقتك و
حياتك .. هذا بيت الله .. و انت زائر له .. يعنى انت تزور أكرم الأكرمين ..
اطلب كل ما تتمنى من رب العالمين ... يا جماعة رمضان خلاص قرب .. لازم
تعود نفسك على الصلاة فى المسجد و تعود نفسك على القعود فى المسجد .. والله
لو كان فضل المسجد هو ان تكون ممن يظلهم الرحمن يوم القيامة لكان كفى ..
لكن هناك افضال كثيرة جداً .. تأمل كلام خير البشر صلى الله عليه و سلم ..
"ما توطن رجل مسلم المساجد للصلاة و الذكر ، إلا تبشبش الله له من حين
يخرج من بيته ، كما يتبشبش أهل الغائب بغائبهم ، إذا قدم عليهم"صحيح الجامع
(إن للمساجد أوتاداً الملائكة جلساؤهم، إن غابوا يفتقدونهم، وإن مرضوا
عادوهم، وإن كانوا في حاجة أعانوهم، ثم قال: جليس المسجد على ثلاث خصال: أخ
مستفاد، أو كلمة حكمة، أو رحمة منتظرة)السلسلة الصحيحة
بجد لا
تترك كل هذا الثواب .. إجعل قلبك معلق بالمساجد .. إنتظر الصلاة بعد الصلاة
.. كن ممن تشتاق إليهم المساجد .. وتبكى عند غيابهم
اللهم ارزقنا حبك و حب من تحب و حب كل عمل يقربنا اليك .. اللهم اّمين ..
