الأتيكيت و البرستيج

السلام عليكم ورحمة الله وبركاتة
أزيكم يا حلى اعضاء فى احلى منتدى ؟؟؟؟؟؟؟
يارب تكونوا جميعا بخير .
النهاردة هنتكلم عن الاتيكيت والوجاهة الاجتماعية او البرستيج
ياترى بتتبع او بتتبعى قواعد الاتيكيت ؟ ولو بتطبقهم اية السبب ؟
هنضرب امثلة بسيطة كدة لو انت بتاكل فى ريستوران مثلا ويسلام
بقى لو معاك خطيبتك او معاكى خطيبك وطلبت الاكل وخلاص هتاكل
طبعا فى على الترابيزة شوكة وسكينة الاتيكيت بيقول طبعا
ان الشوكة على شمالك والسكينة على يمينك يعنى هتاكل بايدك الشمال .
طبعا كلنا عارفين ان الاكل باليد اليسرى حرام كما ورد عن رسولنا
الكريم ياترى هتطبق الاتيكيت و تخاف يقولوا عليك فلاح ولا
هتتأسى بالرسول صلى الله علية وسلم ؟
البرستيج .
البرستيج بيقول انك بما انك شاب كول وروش وكدة و بما انك بنت
استايل و شيك يبقى لازم االلبس يكون من افخم الماركات و يكون
مستورد وغالى و سينيى ولازم يكون توكيل ( وخصوصا بطبعنا كابورسعيدية )
ولا تختار اللبس المناسب ليك و اللى يكون يليق عليك وفى نفس
الوقت يكون شيك واستايل و مناسب لامكانياتك المادية ؟؟؟؟؟؟؟؟؟
الاتيكيت .
الاتيكيت بيقول انك لما تلتقى بامراة و تبدا بالتحية انك تقبل يدها
على أساس ان حضرتك جينتل مان و عندك ذوق
ياترى هتسمع كلام الاتيكيت ولا اية نظامك ؟
البرستيج :
البرستيج بيقول انك لازم تغير عربيتك كل سنة ولو مش معاك
فلوس ممكن تجيبها قسط و ممكن جدا ميكونش معاك أساسا
تمن البنزين فى جيبك بس البرستيج يحكم بقى .
الاتيكيت :
الاتيكيت بيقول انك لما تدخل على شخص ذو سلطان او حاكم انك
تبدا التحية بالانحناء او بمعنى ادق ( الركوع ) ولمين لمخلوق
زيك . هتطبق الكلام دة وتقع فى دائرة الشرك والعياذ بالله ؟
ولا لازم تنفذ الاتيكيت .
البرستيج :
البرستيج بيقول انك لو بتدخن يبقى لازم تشرب مارلو بور
هو طبعا اساسا التدخين حرام و عادة سيئة وكل حاجة .
لكن لو حكمت يعنى مفيش داعى انك تجيب 4 فرط من كشك عم ابراهيم
وتحطهم فى علبة مارلو بور و تمسك العلبة فى ايدك و ممكن تعلقها
كمان على صدرك علشان تعرف كل الدنيا ان ساعتك بتشرب مارلو بور .
الاتيكيت .
الاتيكيت بيقول انك لو فى حفلة مثلا وفيها خمور لازم تشرب حتى لو
مكونتش بتشرب من باب المجاملات الاجتماعية يعنى وعلشان
متبقاش غلس كدة و دمك تقيل هتعمل اية هتشرب و كأس يفوت
ولا حد يموت ؟ ولا هتتمسك برأيك واللى مش عاجبة يخبط دماغة
فى الحيط ؟؟؟؟؟؟؟؟؟؟
البرستيج
البرستيج بيقول انك لازم يكون معاك موبايل N95 او حتى على الاقل
N70 الشله كلها فى الكلية كدة هتروح تعيط لبابا لغاية ميشتريهولك
يعينى تقسيط و هو مرتبة بسيط ولا هتجيب اى موبايل وخلاص
ومش هتسمع كلام انكل برستيج ؟؟؟؟؟؟؟؟؟؟
الاتيكيت
الاتيكيت بيقول ان بالعافية فى عيد أسمة عيد الحب ( فلانتين )
وان المسلمين لازم ميسموعوش كلام دينهم اللى بيقول ان مفيش
غير العيد الأضحى وعيد الفطر المبارك وتسمع كلام واحد كافر
وتجرى تجيب هد ية للموزة و لا تفكر فى الدين ولا يحزنون
لاحسن عمو اتيكت يزعل على فكرة ؟؟؟؟
البرستيج
البرستيج بيقول انك لازم 70% من كلامك يكون انجليش وتجرى
تحفظلك كام كلمة كدة وانت اساسا ساقط اعدادية وتقعد بقى شغال
الله ينور على الفاضى والمليان ؟؟؟؟؟؟؟؟؟
الاتيكيت
الأتيكيت بيقول انك لو يعنى نتقابل او ليك علاقات باوساط راقية
انك تقبل المراة على خدها طبعا وتسلم على زوجها بايدك بس
هتعمل اية هتسمع كلامة برضة ؟؟
البرستيج .
البرستيج بيقول انك لازم تكذب والكدب مفتوح بقى يعنى مع
أصدقائك او مع زملائك سواء فى العمل او فى الدراسة لازم
او حتى فى المنتدى لازم تكدب مثلا تكون ساكن فى حى شعبى
بسيط وتقول انا ساكن فى الجمهورية ولا اقولك انا حاليا ساكن على الممشى السياحى الاول كنت فى الجمهورية
و على فكرة بابى مدير مراجيح مولد النبى و اللواء فلان ابن عمت
ابن جوز اختى و على فكرة احنا عندنا رصيد فى البنك 5000مليون
دولار غير الفكة ياترى هتعمل اية ؟؟؟؟؟؟؟
ولو قعدت استعرض امثلة لاستعرضت مئات الامثلة
ولكن لحظة من فضلك لازم انت اللى تأثر فى الاتيكيت والبرستيج
مش تتاثر فيهم وعلشان اكون صريح اكيد انا وانت وهى احيانا
نستخدم الاتيكيت والبرستيج لكن الصح هو انك تحكم عقلك
ودينك وأخلاقك كمسلم اولا و تختار بقى انت هتبقى امعة ولاد
هيكون ليك شخصية مستقلة تعى ما تفعل وتفعل ما تعى دون
الالتفات للاخرين و لا اية رايك تلتفت احسن وتكون بغبان.
اتمنى أعرف رأيكم وباب المناقشة مفتوح للجميع .

البرستيج مظهر وسلوكيات اجتماعية حضارية عند الضرورة ولكننا جعلنا منه ضرورة من ضروريات
الحياة في كل صغيرة وكبيرة تمس علاقاتنا الإنسانية وأعتقد بل أجزم أن هذه الظاهرة
هي إحدى إفرازات صرعات العولمة المتلاحقة و المتجددة دوما التي أخلت بقدراتنا في الإستيعاب
أو عسر الهضم العقلي لهذا الكوكتيل الفكري الذي لم نعتاده كوجبات سريعة على موائد الإنترنت
والقنوات الفضائية

حتى تحولت حياتنا التي كانت إلى عهد قريب بسيطة وشفافة تحولت إلى مسخ في صورها وهيأتها
الإنسانية وتزلزل كيانها كما لو كان بها مس أو طائف من
( زلزالٍ تسونامي اجتماعي )

مع إيماني بضرورة البرستيج في حياتنا كسلوك معتدل ومظهرخال من التكلف إلا أنني أرفض التكلف
والمبالغة في مفهومنا للبرستيج الذي تجاوز المنطق حتى صار الشكل بدون مضمون فالتلميع مؤقت
وحتى المحافظ تراها متورمة بفواتير البلاء التي يحسبها الجاهل ورق بنكنوت وهي حشو من ورق التوت
يستر مابقي من عورات المحافظ والجيوب البئيسه

لم يبقى إلا الموت فهل جعلوا له من البرستيج طقوسا لانعرفها ؟؟
ربما اشكرك اخي الحنون على الطرح الجميل

كلام جميل
تعرف من اكثر ما يعجبني يا الحنون في دينا الاسلام
ان كل شئ تقريبا له معاملة خاصة وحلوة
مثلا عندك
رفقا بالقوارير للتعامل مع الانثى
المؤمن لا يكذب للتعامل مع جميع البشر
ليس منا من لم يرحم صغيرنا ويوقر كبيرنا للتعامل مع الصغير والكبير
قل للمؤمنين يغضوا من ابصارهم ويحفظوا فروجهم للتعامل بكل تهذيب بين الرجل والمرأة وحفظا لكليهما
يا ايها الذين آمنوا اجتنبوا كثيرا من الظن ان بعض الظن اثم ولا تجسسوا ولا يغتب بعضكم بعضا ، للتعامل الحسن بدون ظن سئ و بدون التجسس على الاخرين ، و عدم الخوض بالحديث في الاخرين في غيبتهم .
تهادوا تحابوا ، للهدايا بين الناس
لايقيمن احدكم الاخر من مجلسه ثم يجلس هو فيه ، لادب التعامل في المجالس .
غض البصر ، ورد السلام و الامر بالمعروف والنهي عن المنكر ، حق الطريق ، هذا للذين يجلسون في الطرقات ولم تكن لهم مجالس يجلسون فيها .