[center]السلام عليكم ورحمة الله وبركاته...
اسعد الله اوقاتكم بكل خير
...
بدون مقدمات بدخل بالموضوع ع طول ..
بالنسبه للفتاوى المنتشره عن حرمة البلاك بيري
وكل شوي منزلين موضوع عنه
ملينا والله ملينا
ياناس ارحمو عقولنا شوي ولاتنقلون أي شيء ..
ارحمواعقولنا من هالكلام الفاضي
اللي قاعدين نقراه ونسمعه
البلاك بيري اعكسهاوبتحصلها سب لله تعالى
>>علشان كذا بيعوا جوالاتكم
قبل فوات الاوان
استغفر الله العظيم..
اصلن الغرب مادروا عنكم ولاجابوا خبركم
هذي شركات تنافس شركات باساليب بايخه
حب المال والطمع وصلها لسب الله تعالى
ليش يعني......البلاك بيري طيح سوق الجوالات ومالقوا
التجار الاهالطريقة يقنعوننا فيها
عاد مشكلتنا انا شعب نطيربالعجه ..
نمشي ورا كل شيء ونصدق اي شيء...
البلاكبيري
اول شيء
>>blackberry
معناه = التوت الاسود
وهي شركة معروفه من سنين قبل تدخل السوق عندنا
ثاني شيء لو عكسناها>> بتصير يريب كلاب
بعدين تعالو
ياناس حناعرب وكتابنا الكريم باللغة العربيه..
وش دخل امنابعكس كلمات انقليزيه ماهي لنا ولا حنا لها
زين نقراهاصح بنروح نشقلبها
صدق الفاضي يعمل قاضي
ربعنا نسوا امور كثييره وطاحوا بعكس الكلمات كلماجانا شيء
من الغرب
وسمعوا اسمه غريب قالو أيوالله ماسموه كذا عبث
وامسكوه وشقلبوه
وشقلبوا امه وام اللي صنعه
واستلموا خلق الله وياااااااويلكم من الله وانتم بالنار ..
سبحان الله يقول الشخص الكلمه ويفتي من غير علم ..
ومايدري لوانها هوت به سبعين خريفا في نارجهنم...
بالعقل يعني انا شريت الجهاز علشان خدماته
بيحاسبني ربي علشانه بالمقلوب فيها مسبه
الله ارحم من تفكيرهم
الحمدلله اني ربي هو ربي وخزائن الرحمه عنده وحده
والا لو حسابي عليه موالجنه
والناربيديهم كان مادخلت الجنه ولاشميت ريحتها
لاني بنظرهم باصير عااااقه
والا كيف
امي اللي حملتني وربتني كل هالسنين اناديها
يمه لانها بالعكس = همي...
اصلن لو بتمسكون كل كلمه وتقلبونها صارت مشاكل
ولو كل كلمه بالعكس مذمه وبنحاسب عليها ماحد دخلالجنه
...
اتمنى التفاعل مع الموضوع الي ماينسكتش عنه
